Танд энэ өдрийн мэнд хүргэе.

Бидний зүгээс дараах асуултад чин сэтгэлээсээ хариулж ажилд маань маш их хувь нэмэр оруулж байгаа байгууллагын төлөөлөл танд ажлын өндөр амжилт хүсэж, талархал илэрхийлье.

E-geree систем ашигласнаар танай байгууллагын ажилд ямар хэмжээний цаг хугацаа, зардал хэмнэсэн гэж үзэж байна вэ?

Манай сургууль 1000 орчим сурагч, 70 гаруй багш, ажилтантай байгууллага бөгөөд 2024 оноос E-geree цахим гэрээний системийг ашиглан:

- Багш, ажилтнуудтай хөдөлмөрийн гэрээ

- Сурагчдын эцэг эхтэй хийх гурвалсан гэрээний ажлаа цахим хэлбэр рүү бүрэн шилжүүлсэн.

Цахим системд шилжихээс өмнө гэрээ боловсруулах, хэвлэх, гарын үсэг цуглуулах, архивлах зэрэг үйл явц дунджаар 3–7 хоног зарцуулдаг байсан. Олон эцэг эх, асран хамгаалагч хөдөө орон нутагт завгүй байдаг тул гараар гэрээ байгуулахад ихээхэн хугацаа ордог, хүндрэлтэй байв.

E-geree-г ашигласнаар:

- Гэрээ илгээх, баталгаажуулах явц 1–2 хоногт багтсан

- ДАН танилт нэвтрэлтийн системээр баталгаажуулдаг нь хялбар, итгэлтэй, эрх зүйн хувьд баталгаатай болсон

- Нийт 1000 сурагчийн эцэг эх, асран хамгаалагчтай хийх гурвалсан гэрээг багш нарын үндсэн ажлын хажуугаар хэдхэн хоногт бүрэн шийдсэн

✅ Цаг хугацааны хэмнэлт: 70–80%

✅Тог цахилгаан, гэрээ хэвлэх, хувилах хугацаа, цаас, цаг хугацаа гээд тооцоход нэг гэрээний дундаж зардлын хэмнэлт ~15,000–20,000₮ гэж тооцвол нийт хэмнэлт хэдэн арван сая төгрөгийн хэмнэж чадсан гэж үзэж байгаа.

Мөн гэрээний хувилбар алдагдах, гарын үсэг дутуу байх, буруу бөглөх эрсдэл бүрэн байхгүй болсон.

Эцэг эх, асран хамгаалагч нар хувийн мэдээллээ ДАН-аар баталгаажуулж, хууль ёсны гэрээ байгуулсан тул хариуцлагын уялдаа холбоо сайжирсан. Хууль, эрх зүйн шаардлага хангасан цахим гэрээний архив бүрдсэн.

E-geree системийг ашигласнаар бид багш, ажилтнууд болон сурагчдын эцэг эх, асран хамгаалагчтай хийдэг нийт 1000 гаруй гэрээний үйл явцыг зардал багатай, богино хугацаанд, бүрэн цахим хэлбэрт шилжүүлж, цаг хугацаа, хөдөлмөр, цаасны зардлыг мэдэгдэхүйц хэмжээгээр хэмнэсэн. Мөн ДАН системээр баталгаажуулдаг нь энэ ажлыг эрх зүйн хувьд баталгаатай, хялбар болгосон нь бидний хамгийн том давуу тал байлаа.

E-geree систем танай хамт олны ажлын яг ямар хэсгийг хялбар болгож байгаа вэ?

E-geree цахим системийн нэвтрүүлэлт нь манай хамт олны гэрээтэй холбоотой бүхий л үйл явцыг хялбаршуулсан. Тухайлбал, гэрээ боловсруулах, баталгаажуулах, гарын үсэг зурах, хадгалах, эргэн хянах зэрэг алхам бүрийг цахимжуулж, ажлын ачааллыг мэдэгдэхүйц бууруулсан.

Мөн нэг загвартай, алдаагүй баримт бичиг боловсруулах боломж бүрдсэн нь хугацаа хэмнэхээс гадна эрх зүйн эрсдэлээс сэргийлэхэд чухал үүрэгтэй байлаа. Архив, хадгалалт цахим хэлбэрт шилжсэнээр шаардлагатай гэрээг хүссэн үедээ түргэн шуурхай олж авах боломжтой болсон.

Хэрвээ E-geree ашиглаагүй бол та бүхний ажилд ямар хүндрэл учирсаар байх байсан бол?

Манай сургууль 1000 гаруй сурагчтай тул сурагч, эцэг эх, асран хамгаалагчтай байгуулах гэрээг жил бүр цаасан хэлбэрээр байгуулдаг байлаа. Үүний улмаас ангийн багш нар гэрээг тараах, хураах, бүртгэх зэрэг нэмэлт ачаалалтай ажиллаж нөгөө талаас гэрээ хэвлэх, хадгалах, зөөвөрлөхөд цаас их зарцуулж, цаг хугацаа ч их шаарддаг.

Зарим гэрээ алдагдах, гэмтэх, бүр устах эрсдэл ч гардаг байсан. Энэ бүх хүндрэлээс сэргийлж, процессыг цахимжуулах шаардлага тулгарсан тул бид “E-geree” системийг нэвтрүүлснээр энэхүү давтагддаг, хөдөлмөр ихтэй, эрсдэл өндөртэй үйл явцыг хялбарчилж чадсан.

E-geree-г ашигласнаар танай байгууллага ямар боломжийг нээсэн гэж бодож байна вэ?

Манай сургууль 2024–2025 оны хичээлийн жилээс ISO:21001 олон улсын стандартыг хэрэгжүүлж эхэлсэнтэй уялдуулан удирдлагын тогтолцоог сайжруулах, дижитал шилжилтийг эрчимжүүлэх зорилт тавьсан. Энэ хүрээнд “E-geree” цахим гэрээний системийг нэвтрүүлснээр гэрээ байгуулах үйл явцыг ил тод, үр ашигтай, хариуцлагатай хэлбэрт шилжүүлж чадсан. Тухайлбал, 1000 гаруй сурагч, тэдний эцэг эх, асран хамгаалагчтай байгуулдаг гэрээг цахимжуулснаар цаасны зардал, багш нарын нэмэлт ачаалал, гэрээний хадгалалт, хяналтын хүндрэл зэрэг асуудлыг үндсэндээ шийдсэн.

Цаашлаад гэрээтэй холбоотой өгөгдөл, баримт бичгийг нэгдсэн сангаар хянаж, хугацаа, агуулгын удирдлагыг системтэй хийх боломжтой болсон нь ISO:21001 стандартын “Баримтжуулалт ба нотолгоонд суурилсан удирдлага”-ын зарчимд нийцэж байна. Энэ нь байгууллагын хөгжлийн зорилтот төлөвлөгөөний нэгэн чухал алхам болсон бөгөөд цаашид бусад үйл ажиллагаанд ч цахим шийдлүүдийг өргөн ашиглах боломжийг нээж өгсөн гэж үзэж байна.

Баярлалаа.