UBCab компани 2024-2025 оны сүүлийн хагас жилд E-Geree цахим гэрээний системийг амжилттай нэвтрүүлж, UBCab Holding, UBCab Express, UBCab Pay гэсэн гурван охин компанийнхаа гэрээний процессыг бүрэн цахимжууллаа.

Тэд “Ногоон байгууллага”-ын эгнээнд нэгдэн, цаасгүй, цаг хэмнэсэн, зардал бууруулсан шийдэлд шилжиж буй нь бидний хамтын ажлын томоохон үр дүн юм.

E-Geree системийг ашигласнаар UBCab групп компанийн хамт олон ердөө зургаан сарын хугацаанд:

500+ боодол цаас,
10,000+ цаг,
100 сая төгрөгөөс давсан зардлыг хэмнэсэн байна.

Манай системийг нэвтрүүлэн, тогтвортой хөгжилд бодит хувь нээмрээ оруулж буй UBCab-ийн хамт олонд гүн талархал илэрхийлье.

-----------------------------------------------------------------------------------------------------------------------------------

Ингээд бид "Юбикаб Холдинг" ХХК-н Хууль, комплаенс хариуцсан захирал Г.Итгэлтэй хийсэн ярилцлагыг та бүхэнд хүргэж байна.

E-geree систем ашигласнаар та ямар хэмжээний цаг хугацаа, зардал хэмнэсэн гэж үзэж байна вэ?

Манай компани өмнө нь гэрээт жолооч нартайгаа гэрээ бүрээ биечлэн байгуулдаг байсан учраас нэг гэрээ байгуулахад жолооч нар хамгийн багадаа 2–4 цагийг зарцуулдаг байсан. Харин E-geree ашигласнаар энэ хугацаа 3-5 минут болон багассан. Бид харилцагч жолооч бүрийнхээ цаг хугацаа, чирэгдлийг багасгаад зогсохгүй, үйлчилгээг гүйцэтгэх жолоочийн тоог нэмэгдүүлсэнээр хэрэглэгчийн дуудлагыг хүлээн авах давтамжийг нэмэгдүүлж чадсан.

-----------------------------------------------------------------------------------------------------------------------------------

E-geree танай хамт олны ажлын яг ямар хэсгийг хялбар болгосон бэ?

Гэрээний бичиг баримтыг бэлдэх, гарын үсэг цуглуулах, баталгаажуулах үйл явц хамгийн их цаг авдаг байсан. Мөн түүнчлэн жолоочид тавигдах шаардлагуудыг биечлэн шалгаж, цаг хугацаа алддаг байсан. E-geree ашигласнаар энэ бүгдийг нэг дор, систем дээр хийх боломжтой болсон. Хянах, хадгалах, эргэн харах, хугацаа хэтэрсэн гэрээнүүдийг сануулах гээд бүх зүйл автомат болсон нь ажлын ачааллыг мэдэгдэхүйц багасгасан.

-----------------------------------------------------------------------------------------------------------------------------------

Хэрвээ E-geree ашиглаагүй бол та бүхний ажилд ямар хүндрэл учрах байсан бол?

Хуучин шиг гэрээг цаасаар хэвлэж, гарын үсэг зуруулахаар жолооч нарыг дуудаж, зарим тохиолдолд замдаа цаг алдах, ирж чадахгүй удах, бичиг баримт дутуу илгээх зэрэг хүндрэл байнга гардаг байсан. Энэ нь ажлын уялдаа холбоонд сөргөөр нөлөөлж, жолоочийн бүртгэлд саад тотгор учруулдаг байлаа.

-----------------------------------------------------------------------------------------------------------------------------------

E-geree-г ашигласнаар танай байгууллага ямар боломжийг нээсэн гэж бодож байна вэ?

Юуны түрүүнд зайнаас жолооч нартай гэрээ байгуулж, жолоочид тавих шаардлагуудаа цахимаар шалгах боломж нээгдсэн. Мөн гэрээг бүртгэх, эргэн харах, тайлан гаргах зэрэг үйлдлүүдийг дата дээр үндэслэн хийх боломж бүрдсэн. Цаашлаад байгууллагын үйл ажиллагааг илүү системтэй, дижитал хэлбэрт шилжүүлэх эхлэл тавигдсан.

Танд баярлалаа. Та бүхэнд ажлын амжилт хүсье.